கடவுளின் உண்மையான புனித மக்கள் நாமே – திருத்தந்தை பிரான்சிஸ்
பல்வேறு பின்னணிகள் மற்றும் கலாச்சார இணைப்புக்கள் கடவுளின் உண்மையுள்ள புனித மக்களின் ஒற்றுமையையும், கடவுள் முகத்தின் பன்முகத்தன்மையையும் பிரதிபலிக்கிறது என்றும், கடவுளின் உண்மையான புனித மக்கள் நாம் தாம் என்பதை ஒருபோதும் மறந்துவிடக்கூடாது என்றும் கூறினார் திருத்தந்தை பிரான்சிஸ்.
சனவரி 20 திங்கள் கிழமை வத்திக்கானின் கிளமெந்தினா அறையில் உரோமில் உள்ள உருவாக்குனர் பயிற்சியினருக்கான ஆல்மோ கல்லூரியைச் சார்ந்த அருள்பணியாளர்கள், திருத்தொண்டர்கள், முன்னாள் மாணவர்கள் என ஏறக்குறைய 60 பேரைச் சந்தித்தபோது இவ்வாறு கூறினார் திருத்தந்தை பிரான்சிஸ்.
இயேசு கிறிஸ்துவின் மீதான நம்பிக்கையாலும் அவரது அழைப்புக்கு பதிலளிக்கும் விருப்பத்தாலும் தூண்டப்பட்ட இளைஞர்கள் மற்றும் பெரியவர்களை உள்ளடக்கிய சமூகமாக அக்க்கல்லூரியினர் இருக்கின்றனர் என்று கூறி வாழ்த்திய திருத்தந்தை அவர்கள், 39 வெவ்வேறு மறைமாவட்டங்களிலிருந்து வந்திருக்கும் அவர்களில் 26 இத்தாலியர்களும் 14 இத்தாலியரல்லாதவர்களும், சீரோ மலபார் தலத்திருஅவையினரும் இருப்பது குறித்து எடுத்துரைத்தார்.
Comments are closed.